Spesía eignasafn 60

Sjóðurinn fylgir blandaðri fjárfestingastefnu. Fjárfest er í blöndu af hlutabréfum og íslenskum ríkisskuldabréfum, þar sem rík áhersla er lögð á góða áhættudreifingu. Hlutabréfin eru alþjóðlega dreift safn sem nær til þúsunda félaga um allan heim. Sjóðurinn hefur ekki sérstaka atvinnugreina- eða landfræðilega áherslu, en fjárfestingarstefna hans setur mörk um vægi eignaflokka. Miðað er við að vægi hlutabréfa sé í kringum 60%, en getur þó vikið frá því innan þeirra marka sem tilgreind eru í fjárfestingarheimildum sjóðsins.